K. Másimov: QR Úkimeti Elbasynyń tapsyrmasyn naqty oryndap otyrǵan uıymshyl komanda
STANA. Shildeniń 27-si. QazAqparat /Rýslan Ǵabbasov/ - QR Úkimeti Elbasynyń tapsyrmasyn naqty oryndap otyrǵan uıymshyl komanda. Bundaı pikirdi búgin Premer-Mınıstr Kárim Másimov Úkimette ótken baspasóz máslıhatynda málim etti.
«Ózińe-óziń baǵa berý aıtarlyqtaı qıyn. Birinshi kezekte jumysty Prezıdent, Parlament jáne elimizdiń halqy baǵalaýy tıis», - dedi Premer-Mınıstr.
Aıta keteıik, bıylǵy birinshi jartyjyldyqta Qazaqstannyń ishki jalpy óniminiń ósimi 8 paıyzdy qurap otyr. Sondaı-aq ınflıatsııa 4,4 paıyz deńgeıinde.
«Meniń pikirimshe, jalpy Úkimet Elbasynyń tapsyrmalaryn naqty oryndap otyrǵan óte uıymshyl komanda. Kemshin tustar bar, synǵa alynyp otyrǵan Mınıstrler kabıneti músheleri bar, alaıda olar tyrysyp baǵýda»,- dep atap ótti Úkimet basshysy. Osy oraıda K. Másimov bireýinde jumystar jaqsy, keıbireýinde kórsetkishter tómendeý bolyp jatatynyn, biraq ta atqarylǵan jumystardyń jalpy kórsetkishi jaqsy ekenin jetkizdi.
