K.Másimov QR Energetıka mınıstrligi ujymyna jańa basshyny tanystyrdy

ASTANA. QazAqparat - QR Premer-Mınıstri Kárim Másimov QR Energetıka mınıstrligi ujymyna osy laýazymǵa Qazaqstan Respblıkasy Prezıdentiniń Jarlyǵymen taǵaıyndalǵan vedomstvonyń jańa basshysy Qanat Bozymbaevty tanystyrdy. Bul týraly Úkimet basshysynyń saıty habarlady.

Qanat Bozymbaev Elbasynyń ózine joǵary senim artqanyna alǵys aıta kelip, mınıstrlikke jáne tutas osy salaǵa qoıylǵan maqsattar men mindetterdi iske asyrý úshin bar kúsh-jigerin, qabiletin jáne tájirıbesin salatynyn atap ótti. Úkimet basshysy burynǵy mınıstr Vladımır Shkolnıkke atqarǵan jumysyna alǵys aıta kele, kóp jyldary túrli memlekettik qyzmetterde el Prezıdenttiniń tapsyrmasyn adaldyqpen ári abyroımen oryndaǵanyn atap ótti.