K.Másimov «Qazaqstan-2050» Strategııasyndaǵy barlyq mindetterdi múltiksiz oryndaýǵa ýáde berdi
ASTANA. QazAqparat - «Qazaqstan-2050» Strategııasyndaǵy barlyq mindetterdi múltiksiz oryndaıtyn bolamyz. Búgin QR Parlamenti Májilisiniń otyrysynda Elbasy N.Nazarbaevtyń usynýymen kandıdatýrasy Premer-Mınıstr laýazymyna bekitilgen Kárim Másimov QR Prezıdentine jáne depýtattarǵa osyndaı ýáde berdi.
«Elbasynyń senim bildirýi men úshin zor mártebe jáne úlken jaýapkershilik. Men, Siz artqan zor senimdi aqtaýǵa bar kúsh-jigerimdi aıamaımyn. Siz júktegen mindetterdi oryndaýǵa bar bilimim men tájirıbemdi jumsaımyn. Elimizdi órkendetýge aıanbaı eńbek etemin. «Qazaqstan-2050» Strategııasy - Siz aıqyndap bergen eń mártebeli, eń aıqyn jol. Strategııadaǵy barlyq mindetterdi múltiksiz oryndaımyz», - dedi K.Másimov.
