K.Másimov Qaraǵandy Memlekettik tehnıkalyq ýnıversıtetin aralady
Qazaqstan Premer-Mınıstri Kárim Másimov Qaraǵandyda Indýstrııalandyrý baǵdarlamasynyń ekinshi besjyldyǵyna arnalǵan kadrlardy daıarlaýdyń oqý úrdisimen tanysty. Bul jumystyń barlyǵy «100 naqty qadam» Ult josparynyń aıasynda júrgizilip jatyr.
Búgin Kárim Másimov Qaraǵandy tehnıkalyq ýnıversıtetinde boldy, bul JOO IID MB-2 úshin kadrlar daıarlaýda negizgi oqý orny bolyp tabylady jáne basym baǵyttar - qara metallýrgııa, mashına jasaý, taý-ken isi boıynsha mamandar daıarlap shyǵarady. 14 tehnıkalyq álemdik jetekshi JOO QarMTÝ-diń seriktes joǵary oqý orny bolyp tabylady.
Qaraǵandy memlekettik tehnıkalyq ýnıversıtetine barǵan Kárim Másimovke «Avtomattandyrý jáne basqarý» mamandyǵy boıynsha, onyń ishinde «Robot tehnıkasy» baǵyty boıynsha, «Energetıka» mamandyǵyn bitirý jumystaryn oryndaý aıasynda ázirlengen qoldanystaǵy jabdyqtar kórsetildi.
Sonymen qatar, Premer-mınıstr Ýnıversıtette jumys berýshilerdiń birlestigimen birlese otyryp ázirlengen Ortalyq Qazaqstan aımaǵyndaǵy ónerkásiptiń ózekti baǵyttary boıynsha 27 kásiptik standartpen, QarMTÝ ınnovatsııalyq jobalar kórmesimen tanysty.
