K.Másimov H.M.Garsııa-Margalomen Ispanııamen saýda-ekonomıkalyq qatynastar jaıyn talqylady
ASTANA. QazAqparat - Búgin Úkimet Úıinde QR Premer-Mınıstri Kárim Másimov elordaǵa resmı saparmen kelgen Ispanııa Koroldiginiń syrtqy ister jáne yntymaqtastyǵy mınıstriniń mindetin atqarýshy Hose Manýel Garsııa-Margalomen kezdesý ótkizdi.
Primeminister.kz saıtynyń habarlaýynsha, kezdesýge qatysýshylar kólik ınfraqurylymy, aýyl sharýashylyǵy, ınjınırıng, qurylys salasyndaǵy ınvestıtsııalyq yntymaqtastyqty damytýdyń perspektıvalaryn atap ótip, eki eldiń saýda-ekonomıkalyq qatynastary jaıyn talqylady.
Taraptar sondaı-aq qurylǵan Qazaqstandyq-Ispandyq Іskerlik keńestiń eki jaqty iskerlik áriptestikti jandandyrýǵa zor úles qosatynyna senim bildirdi.
Kelissózder qorytyndysy boıynsha K.Másimov pen H.M.Garsııa-Margalo memleketaralyq yntymaqtastyqtyń barlyq salalarynda ózara is-qımyldy odan ári keńeıtýge kelisti.
