K. Másimov: Energııa tıimdiligi Qazaqstannyń ındýstrııalandyrý baǵytynda negizgi másele

ASTANA. 17 mamyr. QazAqparat /Rýslan Ǵabbasov/ - Energııa tıimdiligi Qazaqstannyń ındýstrııalandyrý baǵytynda negizgi másele bolyp tabylady.

Bul týraly búgin Úkimet otyrysynda Premer-Mınıstr Kárim Másimov málim etti.

Atap aıtqanda Úkimet basshysy ındýstrııalandyrý jáne Turǵyn úı-kommýnaldyq sharýashylyǵyn jańǵyrtý baǵdarlamalary aıasynda Qazaqstanda energııa únemdeý máselesi birinshi orynda turýy tıis ekendigin qadap aıtty.

K. Másimov bul Elbasynyń tikeleı tapsyrmasy ekenine toqtala kele:«Bul turǵydaǵy máseleler óte qatań baqylanýy tıis. Osy oraıda barlyq ákimderdiń ındýstrııalandyrý baǵdarlamasy aıasyndaǵy barlyq nysandardy qarap shyǵýyn tapsyramyn. Sebebi, bizde energııa tıimdiligi óte tómen deńgeıde tur. Qatelespesem, bul kórsetkishter Eýropalyq Odaqqa qaraǵanda 5 esege kem»,-dep túıindedi.