K.Másimov burynǵy balabaqsha ǵımarattaryn kúrdeli jóndeýden ótkizýge qajetti qarajatty bólýdiń tetikterin qarastyrýdy tapsyrdy
ASTANA. Qarashanyń 26-sy. QazAqparat /Arman Asqarov/ - Búgin Astanadaǵy balabaqsha ǵımarattaryn aralaǵan QR Premer-Mınıstri Kárim Másimov osy nysandardy kúrdeli jóndeýden ótkizýge qajetti qarajatty bólýdiń tetikterin ázirleýdi tapsyrdy,
dep habarlaıdy QazAqparat.
Kóktal 1 kentindegi №39 Merýert balabaqshasyn kórgennen keıin Úkimet basshysy elordadaǵy basqa da balabaqsha ǵımarattaryn jóndeýden ótkizip, paıdalanýǵa berýge uıǵarym jasady. «Endi osy maqsatqa qajetti qarjy kózderin bólýdiń tetikterin qarastyryp, naqty júıesin ázirleý qajet», dedi K.Másimov.
Aıta keteıik, Kóktal 1 kentindegi №39 balabaqsha kezinde Aqmola oblysy ákimdiginiń quzyrynda bolǵan. Aǵymdaǵy jyldyń basynda Astana ákimdigi bul nysandy memleketke qaıtarý jónindegi sheshim qabyldady. Atalǵan nysandy qaıta jóndeý jumystaryna 242,5 mıllıon teńge, onyń ishinde 120 mıllıony «Jol kartasy» aıasynda jáne ekinshi bóligi jergilikti bıýdjettiń esebinen bólingen bolatyn. Qazirgi kezde balabaqshada 240 búldirshin bar.
Aldaǵy ýaqytta kezinde QR Qorǵanys mınıstrligi, QR Ádilet mınıstrligi, QR Іshki ister mınıstrligi jáne basqa memlekettik organdardyń ıeligine ótip ketken Astanadaǵy birqatar balabaqsha nysandaryn memleketke qaıtarý josparlanyp otyr.
