K.Másimov Bilim mınıstrine Aqtóbede UBT-nyń durys ótýin baqylaýǵa alýdy tapsyrdy
ASTANA. QazAqparat - Bul Úkimettiń selektorlyq rejimdegi otyrysynda QR Premer-Mınıstri Kárim Másimov bilim jáne ǵylym mınıstri Erlan Saǵadıevke Aqtóbede ulttyq biryńǵaı testileýdiń durys ótýin baqylaýǵa alýdy tapsyrdy.
«Keshe keshkisin balalardyń qaýipsizdigi úshin eki pýnkttegi Ulttyq biryńǵaı testileýdi ótkizý merzimin 7 maýsymǵa aýystyrý týraly sheshim qabyldandy. Ata-analar men ustazdarǵa qajetti málimetter berildi. Barlyq pýnktterde UBT shtattyq rejimde júrgizilý ústinde. Eger sizdiń tarabyńyzdan tapsyrma bolatyn bolsa, onda men Aqtóbege ózim baryp, jaǵdaıdy baqylaýǵa alamyn», - dedi mınıstr QR Premer-Mınıstri Kárim Másimovke qarata.
«Baryńyz, jınalystan keıin ushyp ketińiz. Oblys ákimimen birlesip, bul máseleni baqylaýǵa alyńyz»,- dedi Úkimet basshysy.
