K.Másimov Baıan Ólgeıdegi qazaq drama teatrynyń ártisterimen kezdesti

ASTANA. QazAqparat - Qazaqstan Premer-Mınıstri Kárim Másimov Mońǵolııaǵa kelgen soń Qazaqstan Prezıdenti Nursultan Nazarbaevtyń tapsyrmasy boıynsha Ólgeı qalasynda birqatar kezdesýler ótkizdi, dep habarlaıdy Pm.kz.

Atap aıtqanda, Premer-Mınıstr jergilikti mýzykalyq drama teatrynda bolyp, sheteldegi qazaq óneriniń damýyna óz baǵasyn berdi.

Qazaq mýzykalyq drama teatry Mońǵolııada 1950 jyldardyń aıaǵynda ashylǵan. 1959 jyly alǵash ret qazaq ulttyq aspaptar orkestri quryldy, ol qazaq mýzykalyq mádenıetiniń damýyna zor yqpalyn tıgizdi. Orkestr repertýarynda Qurmanǵazynyń «Saryarqa», «Balbyraýyn», «Adaı» jáne Túrkeshtiń «Kóńil ashar» kúıleri bar. Mýzykalyq drama teatrynyń qalyptasyp, ósip-órkendeýine qazaqstandyq mamandar - mýzykanttar, dırıjerler, baletmeısterler, hormeısterler kómektesti.

1992 jyly teatr ujymy jańa ǵımaratqa kóshirildi. Qazir munda 71 adam eńbek etedi.

Eske salaıyq, K.Másimov Mońǵolııaǵa XI ASEM sammıtine qatysý úshin bardy, shara 15 shilde kúni Ulan-Batyr qalasynda ótedi.