K. Másimov «Astana arlandary» men «Kýba qabylandary» arasyndaǵy jekpe-jekterdi tamashalaýda
ASTANA. QazAqparat - Búgin Astanadaǵy «Dáýlet» sport kesheninde Dúnıejúzilik boks serııasy (WSB) boıynsha «Astana Arlandary» men «Kýba Domadores» arasyndaǵy fınaldyq jekpe-jektiń ekinshi kúni ótýde.
Kil myqtylar arasyndaǵy aıqasty QR Premer-Mınıstri Kárim Másimov pen Qazaqstan boks federatsııasynyń prezıdenti Tımýr Qulybaev ta tamashalaýda.
Eske sala keteıik, fınaldyq kezdesýdiń alǵashqy kúniniń qorytyndysy boıynsha «Astana arlandary» 3:2 esebimen alǵa shyqqan bolatyn. Al búgingi eki kezdesýdiń birinde «arlandar» jeńiske jetse, 60 keli salmaq dárejesinde Zákir Safıýllın kýbalyq Lasaro Horhe Alvares Estradaǵa ese jiberip aldy.
Alda áli úsh kezdesý bar. Aıta keterligi, eger eki kúndik kezdesýdiń qorytyndysy teń aıaqtalar bolsa, onda 56 keli salmaq dárejesinde ótetin qosymsha jekpe-jekte jeńimpaz komanda anyqtalady.
