K.Markýs Qazaqstanda turatyn nemisterdiń basty problemasyn aıtty
«Biz búgin Qazaqstandaǵy túrli etnıkalyq toptar arasyndaǵy qarym-qatynasty talqylaımyz. Sonymen qatar osy jerde turyp jatqan jáne Germanııaǵa qonys aýdarǵan nemisterdiń de ózekti problemalaryn kóteremiz. Búgingi kúnniń ózekti problemalarynyń biri nemis tilinde jatyq sóıleıtin stýdentti tabýy bolyp otyr. Bizdiń stýdentterimiz bastapqy 2 jyl orys tilinde oqysa, úshinshi jyly Germanııadan kelgen oqytýshylar nemis tilinde dáris beredi. Sol ýaqytqa deıin stýdentterimiz nemis tilinde taza sóıleýi qajet», - deıdi ol. Onyń atap ótýinshe, atalǵan joǵary oqý ornynyń stýdentteri 4-shi oqý jylynda Germanııada bilimin jalǵastyryp, ony bitirgennen keıin Qazaqstanǵa da, Germanııaǵa da jaramdy dıplom alyp shyǵady. «Buryndary nemis tilin jaqsy biletin stýdentti tabý qıyn bolmaıtyn. Sońǵy ýaqytta problemalar týyndaýda. Biz til bilý salasyndaǵy bul ahýaldy qalaı jaqsartýǵa bolatynyn talqyladyq», - dedi K.Markýs. Esterińizge sala keteıik, elimizde Qazaqstan halqy Assambleıasy jyly aıasynda «Qazaqstan nemisteri: Astana men Berlın arasyndaǵy kópir» taqyrybynda halyqaralyq ǵylymı-tájirıbelik konferentsııa úsh kúnge sozyldy. Birinshi kúni halyqaralyq shara Almaty qalasynda uıymdastyrylsa, odan keıin elorda tórinde ótti. Jalpy, búginde Germanııada Qazaqstannan kóship barǵan 800 myńǵa jýyq nemis turyp jatyr.
