Q. Mámı: Qazaq eli úshin Qurban aıt - tek dinı mereke ǵana emes, ol - beıbitshilik pen kelisimniń merekesi
ASTANA. 15 qazan. QazAqparat - QR Parlamenti Senatynyń Tóraǵasy Qaırat Mámı óziniń jeke paraǵynda barsha qazaqstandyqtardy Qurban aıt meıramymen quttyqtady.
«Qasıetti Qurban aıt merekesi qutty bolsyn! Dinı tózimdilik pen ultaralyq yntymaqty berik ustanǵan Qazaq eli úshin Qurban aıt - tek dinı mereke ǵana emes, ol - beıbitshilik pen kelisimniń merekesi. Dinaralyq yntymaǵyn yrys sanaıtyn elimiz osy qasıetimen álemge úlgi bolyp otyr. Qurban aıt - halqymyzdyń ejelden kele jatqan dástúri boıynsha árkim aınalasyndaǵy adamdarǵa eń izgi tilekterin tileıtin, ókpe, renish bitkenniń bári keshirilip, adamdardyń nıeti izgilikke, baýyrmaldyqqa burylatyn mereke. Osy ulyq mereke kúni Jaratýshydan búginde óziniń beıbitshiliksúıgishtigimen álemge keń tanylǵan memleketimiz odan ári órkendep, elimiz aman, jurtymyz tynysh bolsyn dep tileıik. Barsha adamdardy rýhanı kemeldikke úndeıtin Ulyq meıram - Qurban aıt qutty bolsyn! Shańyraqtarymyzdan shattyq ketpesin!», - delingen quttyqtaýda.
