Q. Mámı EQYU/DIAQB-nyń Qazaqstanda prezıdenttik saılaýdy baqylaý jónindegi mıssııasynyń basshysy K.Ionkermen kezdesti
Kezdesýdiń maqsaty - Qazaqstandaǵy saılaý protsesine ázirlik jáne uıymdastyrý máselelerin talqylaý. Onyń ishinde saılaý zańnamasyn qoldana otyryp, qaralatyn ister boıynsha shyǵarylǵan sot sheshimderiniń tájirıbesine basa nazar aýdaryldy.
Áńgime barysynda Q. Mámı: «Saılaý zańnamasynyń buzylýy týraly sottarǵa kelip túsetin aryzdar qysqa merzimde, olardyń keıbireýi dereý qaralýǵa jatady, al bul sýdıalarǵa aryzdardy jedel qaraýda qosymsha jaýapkershilik júkteıdi», - dedi.
Sondaı-aq, saılaýdyń áleýmettik jáne saıası mańyzdylyǵyn eskere otyryp, materıaldyq jáne protsestik quqyq normalaryn durys qoldaný maqsatynda Joǵarǵy Sot jergilikti sottarǵa saılaý zańnamasyn qoldaný jóninde usynystaryn joldaǵany atap ótildi.
Óz kezeginde, K. Ionker Mıssııanyń negizgi mindeti saılaý protsesin beıtarap baqylaý jáne onyń nátıjeleri boıynsha qorytyndy baıandama ázirleý bolyp tabylatynyna toqtaldy. Ol azamattardyń zańdy quqyqtary men múddelerin qorǵaýdy qamtamasyz etý jónindegi sot júıesiniń aǵymdaǵy qyzmetin túsindirgeni úshin alǵysyn bildirdi.
