Q. Lama Sharıf: Qazaqstanda 507 minájathana bolsa, onyń 492-si namazhana

Búgin Parlament Májilisinde ótken Úkimet saǵaty barysynda QR Din isteri agenttiginiń tóraǵasy Qaırat Lama Sharıf osylaı málim etti.

Agenttik tóraǵasynyń aıtýyna qaraǵanda, aǵymdaǵy jyldyń naýryz aıynda Úkimet ǵıbadat úılerinen tys jerlerde dinı joralardy ótkizý úshin ǵımarat ornyn kelisý týraly sheshim shyǵarý jónindegi standartty bekitti. «Bul bazarlarda, dúkenderde, qonaq úıler men basqa da nysandarda ornalasqan namazhanalar men minájathanalarǵa qatysty bolyp tabylady. Osylaısha, dinı qajettilikterdi ótep, dinı joralar men rásimderdi erkin atqarýǵa bolatyn oryndar tolyq normatıvtik-quqyqtyq rásimdeýden ótti. Búgingi tańda Qazaqstanda 507 minájathana bar bolsa, onyń 492-si namazhana, on besi pravoslavtyq qyzmet atqarýda jáne olar jergilikti ákimdkter tarapynan rásimdeýden ótýde»,- deıdi Q. Lama Sharıf.

Jalpy, alǵanda agenttik málimetterine qaraǵanda, qazaqstandyq dintanýshylardyń saraptamalary negizinde dinı birlestikterdi jańasha toptastyrý usynylyp, konfessııalar men domınatsııalar sany 46-dan 17-ge qysqarǵan. Al 2011 jyldyń 1 qańtaryndaǵy jaǵdaı boıynsha, elimizde 4551 dinı birlestik qyzmet etse, jańa zańǵa sáıkes 2012 jyldyń 25 qazanynda aıaqtalǵan qaıta tirkeýden soń olardyń 3088-i qalǵan.