Q.Lama Sharıf ekstremızmniń zalalyn kórsetetin, birmezgilde jastardy jasampaz arnaǵa baǵyttaıtyn júıeni ázirleýdi usyndy
ASTANA. 15 qarasha. QazAqparat - Ekstremızmniń tıgizetin zalalyn kórsetetin ǵana emes, sonymen birge jastardyń kúsh-jigerin jasampaz arnaǵa baǵyttaıtyn ozyq júıe ázirleýimiz kerek.
Bul týraly búgin elordada ótip jatqan Qazaqstan din tanýshylarynyń ІІ Forýmynda QR Din isteri agenttiginiń tóraǵasy Qaırat Lama Sharıf aıtty.
Agenttik basshysynyń atap ótýinshe, búgingi tańdaǵy eń basty ári ózekti máselelerdiń biri - óskeleń urpaqty rýhanı tárbıeleý. Jastyqqa tán maksımalızm men boıurýshylyqtyń saldarynan jastar dindi ańǵarmaı teris qabyldaý jolyna túsýi múmkin.
«Dindi ustaı alsań - qasıetiń, ustaı almasań - qasiretiń» degen ulaǵatty sóz osydan shyǵady. Biz ekstremızmniń tıgizetin zalalyn kórsetetin ǵana emes, sondaı-aq jastardyń kúsh-jigerin jasampaz arnaǵa baǵyttaıtyn tárbıeleý men bilim berýdiń ozyq júıesin ázirleýimiz kerek», - dedi Q.Lama Sharıf.
Onyń paıymynsha, dintanýshy ǵalymdar radıkaldy dinı aǵymdarǵa toıtarys bere alatyn aqparattyq jáne túsindirý jumystaryna, rýhanı mura ulttyq mádenıetti nasıhattaýǵa budan da belsendirek qatysýy tıis.
