Q.Lama Sharıf ekstremıstik ıdeıalardyń taralýyna zııatkerlik turǵyda toıtarys berýge shaqyrdy
ASTANA. 15 qarasha. QazAqparat - Ekstremıstik ıdeıalardyń taralýyna zııatkerlik turǵyda toıtarys berýimiz qajet.
Bul týraly búgin elordada ótip jatqan Qazaqstan din tanýshylarynyń ІІ Forýmynda QR Din isteri agenttiginiń tóraǵasy Qaırat Lama Sharıf aıtty.
«Forýmǵa qatysýshylardyń nazaryn din atyn jamylǵan ekstremızm kórinisteriniń aldyn alý sııaqty mańyzdy máseleni sheshýge aýdarǵym kelip otyr. Bul jerde sarapshy qoǵamdastyqtyń, ǵylymı jáne shyǵarmashylyq zııalylardyń, buqaralyq aqparat quraldarynyń belsendi qatysqany barynsha mańyzdy. Biz ekstremıstik ıdeıalardyń taralýyna zııatkerlik turǵyda toıtarys berýimiz qajet»,-dedi agenttik tóraǵasy.
Bul rette Q. Lama Sharıf gýmanıtarlyq saladaǵy ǵalymdardyń kúsh-jigeri men fanatızmniń jáne radıkalızmniń adamgershilikke qarsy ıdeologııasyn bul ıdeıany qoldanýshylardyń dinı ilimniń shynaıy mán-maǵanasyn burmalaıtyndyǵyn áshkerleý kerektigin basa aıtty.
«Qazaqstan qoǵamyn ásirese jastardy ekstremıstik kúshterdiń teris pıǵyldy yqpalynan qorǵaý úshin nasıhat, aǵartý jáne túsindirý jumystaryn júrgizýge tıimdi tásilder jasap shyǵarý qajet»,-dedi ol.
