Q. Qýanyshbaev atyndaǵy teatr jańa HHІIІ maýsymyn ashady
ASTANA. 2 qazan. QazAqparat - Búgin Q. Qýanyshbaev atyndaǵy Memlekettik akademııalyq qazaq mýzykalyq drama teatry HHІII jańa maýsymyn ashady. Bul týraly astana.kz saıtyna teatrdyń baspasóz qyzmetinen habarlady.
Jańa maýsym M. Áýezovtiń «Abaı» tragedııasymen ashylady, qoıýshy rejısseri - QR eńbek sińirgen qaıratkeri Álimbek Orazbekov.
Qoıylym bastalmas buryn ádettegideı dóńgelek ústel sharasy ótedi. Teatrdyń qalyptasqan dástúri boıynsha jańa maýsym qarsańynda «Qallekı» teatrynyń akterlary men aktrısalary JOO, kolledjder men mektepterdegi kórermenderimen kóptegen kezdesýler ótkizedi. Qalıbek Qýanyshbaevqa 120 jyl tolýyna oraı uıymdastyrylatyn is-sharanyń taqyryby - «Teatr jáne kórermen».
Elorda turǵyndary men qonaqtary apta saıyn demalys kúnderi Q. Qýanyshbaev atyndaǵy Memlekettik akademııalyq qazaq mýzykalyq drama teatrynyń qoıylymdaryn tamashalaı alady. Sonyń ishinde marapattarǵa ıe bolǵan spektaklder de bar.
