Q.Qýanyshbaev atyndaǵy qazaq mýzykalyq drama teatrynda «ANTIVIRÝS» spektakliniń premerasy ótpek
ASTANA. 10 mamyr. QazAqparat - Q.Qýanyshbaev atyndaǵy qazaq mýzykalyq drama teatrynda 19-20 mamyr kúnderi dramatýrg E.Jýasbektiń «ANTIVIRÝS» spektakliniń tusaýy kesiledi,
dep habarlady teatrdyń aqparattyq qyzmeti .
Spektakldiń qoıýshy rejısseri - Qazaqstannyń eńbek sińirgen qaıratkeri - Bolat Uzaqov. Basty rolderdi QR Halyq ártisi T.Meıramov, QR«Daryn» memlekettik syılyǵynyń ıegeri E.Malaev, QR eńbek sińirgen ártisi J.Meıramova, T.Atymtaeva, Q.Qystyqbaev, Q.Buǵybaı, S.Toqmanǵalıeva, A.Júginisova, Sh.Ordabaev, G.Júsipova, T.Muzapparovalar somdaıdy.
Jahandaný ǵasyry. Elimiz damýshy elderdiń qatarynda. Básekege qabiletti elderdiń qataryna qosylý maqsatta kóptegen jumystar tyńdyrylyp jatyr. Zaman qarbalasynyń qaǵajaý sátterin dál tanı biletin kelimsek-gasterbaıterler de qarap qalmaı bizdiń qarajatqa elimizdiń qara jumysyn isteýde.
Bul spektakl búgingi kúnniń tynys-tirshiligin sýretteıdi. Qala adamdary óz basynyń máselelerimen álek. Sol tylsym tirshiligi qyzý jumys basyndaǵy bir tehnıkalyq qyzmet kórsetý ortalyǵy spektakl oqıǵasynyń ótetin orny. Oqıǵa jelisi osyndaǵy jumyskerler men klıentter arasynda órbıdi. Olardyń aralarynda ashýlaný da, renjisý de, tipti mahabbat sezimi de oryn tabady. Eń bastysy, oqıǵa jelisi aıaq astynan kelimsek áıelderdiń paıda bolýynan qyza túsedi. Olardyń arasynda jasy da, kárisi de bar. Mine osy qyzyq ty da, tylsym oqıǵanyń sońy qandaı bolmaq eken? Ol áıelder kim jáne qaıdan kelgen? Olardyń bul jerde qandaı qatysy bar ekenin spektaklden kórelik.
