Q. Qýanyshbaev atyndaǵy qazaq drama teatrynda «Úkili juldyz» fars-tragedııasynyń premerasy ótedi
ASTANA. 5 qarasha. QazAqparat - Q.Qýanyshbaev atyndaǵy memlekettik akademııalyq qazaq mýzykalyq drama teatrynda 13-14 qarashada «Úkili juldyz» fars-tragedııasynyń premerasy ótedi. Bul týraly astana.kz saıtyna teatrdyń baspasóz qyzmetinen habarlady. Tragedııa Ákim Tarazıdiń «Lıýstra» pesasynyń jelisi boıynsha sahnalanǵan. Qoıýshy rejısseri - QR eńbek sińirgen qaıratkeri Álimbek Orazbekov. Fars-tragedııanyń negizgi jelisinde qarttar úıindegi ómir, jalǵyz qalǵan ata-ananyń taǵdyry men balalardyń qatygezdigi týraly aıtylady.
Teatr - tárbıe mektebi, rýhanı azyq alar orda. Sahnada kórsetiletin ár qoıylymdaǵy akterdiń oıyny, rejısserdiń jumysy kórermen júregimen úndes bolýy qajet. Qoıylymda búgingi qoǵamǵa óz tamyryn jaıyp úlgergen, qazaq halqynyń tabıǵatyna jat - qarttar úıi, jalǵyz qalǵan ata-ananyń taǵdyry, tárbıe kórmegen balanyń qatygezdigi sýretteledi. Pendeniń bári talantqa kende emes, degenmen, qıyndyǵy mol óner jolyna tek júreginiń túgi barlar ǵana keledi. «Úkili juldyz» spektakli de osyndaı qıyndyqqa tóze bilgen jannyń ómirimen órnekteledi. Atalmysh qoıylym kórermenderdiń keń aýdıtorııasyna arnalǵan, deıdi teatr qyzmetkerleri. Spektakldi tamashalaı otyryp, ár adam óziniń ata-anasyna degen kózqarasyn, anaǵa meıirimdiligin saraptaı alady.
Eske sala keteıik, «Úkili juldyz» fars-tragedııasynyń premerasy 13-14 qarashada Q.Qýanyshbaev atyndaǵy memlekettik akademııalyq qazaq mýzykalyq drama teatrynda ótedi.
