Q. Qojamjarov: Shekaraǵa jaqyn kedendik beketterdegi sybaılas jemqorlyq júıeli sıpatqa ıe bolýda

ASTANA. QazAqparat - Kedendik beketterde paranyń somasy aıyna 3 mln. dollarǵa deıin jetedi. Bul týraly búgin Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Qaırat Qojamjarov málim etti.

«Elimizdiń shekarasy perımetri boıynsha sybaılas jemqorlyqtyń júıeli kórinisin eńsere almaı kelemiz. Sońǵy aılarda birqatar qylmystyń beti ashyldy. Qazirgi kezde tergeý amaldary júrip jatyr. Atap aıtqanda, para kólemi qomaqty bolmasa da, ol búginde júıeli sıpatqa ıe bolyp otyr. Bizdiń sarapshylardyń málimetinshe, bul turǵyda jeke adamnan para 5 myń teńge bolǵan jaǵdaıda, kedenniń qarapaıym beketterinde olardyń qylmystyq tabystary aıyna 2-3 mln. dollarǵa jetedi», - dedi Q. Qojamjarov «Nur Otan» partııasy janyndaǵy Jemqorlyqqa qarsy is-qımyl respýblıkalyq qoǵamdyq keńesiniń otyrysynda.

Onyń sózine qaraǵanda, paraqorlyqtyń osyndaı soraqy faktileri birinshi kezekte memlekettiń ımıdjine nuqsan keltiredi. Sondyqtan da búginde sybaılas jemqorlyqqa qarsy máseleler basty nazarǵa alynyp otyr.