Q. Kósherbaev: Táýelsizdikten soń elimizde 1,5 mln. qazaqstandyq óziniń baspana jaǵdaıyn jaqsartty

 Parlamentte  «Halyqty turǵyn úımen qamtamasyz etýdiń jaı-kúıi men perspektıvalary» atty taqyrypta ótken parlamenttik tyńdaýda QR Premer-Mınıstriniń orynbasary Qyrymbek Kósherbaev osylaı málim etti.

Vıtse-premerdiń aıtýynsha, daǵdarysqa deıingi kezeńde elimizde qurylys qarqyny asa joǵary boldy. Tipti buǵan bir kezderi eldiń qurylys ındýstrııasy da ilese almaı qalsa, 2005 jyly salanyń damý qarqyny 182 paıyzdy quraǵan.  

«Táýelsizdik jyldarynan beri qaraı 1,5 mln. qazaqstandyq óziniń turǵyn úı jaǵdaıyn jaqsartty. Sonyń ishinde tek 2005-2007 jyldardyń aralyǵynda shamamen 17 mln. sharshy metrden astam baspana salynyp, paıdalanýǵa berildi», - dedi Q. Kósherbaev. Onyń aıtýyna qaraǵanda, daǵdarys turǵyn úı qurylysy salasyna qatty áser etip, onyń quldyraýy qatty baıqaldy.

«Elbasy aıtqandaı, daǵdarys - bul jańa múmkindikterdi de týdyrady. Sondyqtan da, biz quldyraýlarǵa qaramastan, damý joldaryn durys aıqyndaı aldyq», - dedi Q. Kósherbaev.