Q.Kósherbaev «Aqmeshit-Syrdarııa» meshitinde jamaǵatty Oraza aıt merekesimen quttyqtady
QYZYLORDA. QazAqparat – Búgin Oraza aıttyń alǵashqy kúni. Oblys ákimi Q.Kósherbaev ortalyq «Aqmeshit-Syrdarııa» meshitine baryp, jamaǵatty Oraza aıtpen quttyqtady, dep habarlady oblys ákiminiń baspasóz qyzmetinen.
"R amazan aıy musylmandardyń úlken merekesi. Bul ıslam jolyn ustaǵan kúlli musylman qaýymy úshin jaqsylyqtar aıy, rýhanı jańarý aıy. Qasıetti aıda tilegen tilekterińiz, oqyǵan duǵalaryńyz qabyl bolsyn. Taǵy bir aıta keterligi, úsh kún aıttan keıin «Aqmeshit-Syrdarııa» meshitine jóndeý jumystary júrgiziledi. Meshittiń kireberisi ulttyq naqyshta bezendiriletin bolady", - dedi aımaq basshysy Q.Kósherbaev.
Qasıetti aıda aımaqta ıgi ister atqarylyp, túrli sharalar uıymdastyryldy. Bir aı boıy meshitterde aýyzashar berilip, taraýıh namazynan keıin jamaǵatqa tegin avtobýs qyzmeti kórsetildi. Barlyq aýdandar men oblys ortalyǵynda ýaǵyz aıtýdan, Ramazan aıy týraly maqala jazýdan básekeler uıymdastyryldy.
Aıt namazynan keıin túrli sporttyq saıystar ótkizildi. Gir kóterý, arqan tartý, kúresten myqtylar anyqtalyp, baǵaly syılyqtarmen marapattaldy.
