Q.Kelimbetov teńge baǵamy ózgerýiniń negizgi faktoryn atady
ALMATY - QazAqparat - Búginde mańyzdy faktorlardyń biri - álemdik turlaýsyzdyq - damýshy elder valıýtasynyń quldyraýy. Alaıda QR saýda seriktesteri elderindegi ekonomıkalyq damý jónindegi pessımıstik boljamdar odan da zor mańyzǵa ıe.
Búgin Almatyda BAQ ókilderimen kezdesken QR Ulttyq bankiniń tóraǵasy Qaırat Kelimbetov osylaı málim etti.
«Ótken aptada munaı baǵasyna nazar aýdarý kerektigin aıtqanbyz. Búgin ol joǵary deńgeıde. Qaıtalap aıtamyn, biz naqty 2 faktordy qarastyrǵan joqpyz. Biz, rýbl baǵamy men munaı baǵasyn qarastyrdyq. Jalpy álemdegi makroekonomıkalyq jaǵdaı baǵamdalady», - dedi Q.Kelimbetov. Sondaı-aq ol Qazaqstan úshin álemdegi jaǵdaı negizinen atalǵan 2 faktordyń, biraq buǵan ózge de jaıttardyń áseri az emestigin aıta ketti.
