Q.Kelimbetov QR EDSM-ge 3 kúnniń ishinde 2012 jylǵa arnalǵan makroekonomıkalyq kórsetkishterdi baǵalaýdy naqtylaýdy tapsyrdy
ASTANA. 31 qańtar. QazAqparat /Marlan Jıembaı/ - QR Premer-Mınıstriniń orynbasary Qaırat Kelimbetov Ekonomıkalyq damý jáne saýda mınıstrligine 3 kúnniń ishinde 2012 jylǵa arnalǵan makroekonomıkalyq kórsetkishterdi baǵalaýdy naqtylaýdy tapsyrdy.
Bul tapsyrmany ol búgin atalǵan mınıstrliktiń 2011 jyldaǵy negizgi nátıjeleri men 2012 jylǵy mindetterine arnalǵan alqa májilisinde berdi.
Q.Kelimbetovtiń atap ótýinshe, taıaýdaǵy eki apta bıýdjetti qalyptastyrýǵa arnalsa, aqpan aıynyń ekinshi jartysynan bastap ony QR Parlamenti Májilisi depýtattarynyń qaraýyna engizý qajet. «Osyǵan oraı mınıstrlik úshkúndik merzimde 2012 jylǵa arnalǵan makroekonomıkalyq kórsetkishterdi baǵalaýdy naqtylaý jáne sáıkesinshe respýblıkalyq bıýdjettik komıssııanyń qaraýyna engizýi tıisti», - dedi ol.
Sonymen qatar, ol atalǵan sharalarmen qatar 2013-2015 jyldarǵa arnalǵan bıýdjetti qalyptastyrý protsessi bastalatyndyǵyn atap ótti.
