Q.Kelimbetov: Qazaqstannyń jalpy halyqaralyq rezervi 101,9 mlrd. dollarǵa jetti
ASTANA. QazAqparat - Ulttyq qor aktıvi men Ulttyq bank rezerviniń jıyntyq kólemi alǵash ret 101 mlrd. dollardan asty. Bul týraly búgin Ortalyq kommýnıkatsııalar qyzmetindegi brıfıngte QR Ulttyq bankiniń tóraǵasy Qaırat Kelimbetov málim etti.
«Memleket basshysy elimizdiń halyqaralyq qorynyń jıyntyq kólemi jaqynda arada júz mıllıard dollardan asýyn maqsat etip qoıǵan edi. Búginde onyń deńgeıi 101,9 mlrd. dollardy qurady. Bul óz kezeginde Qazaqstandaǵy makroekonomıkalyq turaqtylyqtyń aıqyn belgisi», - dedi Q.Kelimbetov. Onyń sózine qaraǵanda, Ulttyq banktiń altyn-valıýta qory 28 mlrd. dollardan asyp tústi. Belgili bolǵandaı, Ulttyq qordyń aktıvteri 73 mlrd. dollardan asty. Budan bólek Q.Kelimbetov birinshi toqsannyń qorytyndysy boıynsha aǵymdaǵy esepshottyń ońtaıly saldosy qalyptasqanyn atap ótti. «Onyń kólemi 5,5 mlrd dollardy qurady. Mysaly, bizde ótken jyly aǵymdaǵy shottyń tólem balansynyń teris saldosy qalyptasqan edi. Onyń deńgeıi mınýs 118 mln. dollar kóleminde boldy. ıAǵnı, osy oraıda júrgizilgen valıýtalyq túzetýlerge ekonomıkanyń ońtaıly saryny aıqyn baıqalýda», - dedi ol.
