Q. Kelimbetov qazaqstandyqtarǵa depozıtterdi teńgemen saqtaýǵa keńes berdi
ASTANA. QazAqparat - Qazaqstan Ulttyq bankiniń tóraǵasy Qaırat Kelimbetov qazaqstandyqtarǵa bank jınaqtaryn otandyq valıýtada saqtaýǵa keńes berdi, dep habarlaıdy primeminister.kz.
«Depozıtterińdi sheship, dollarǵa aýystyrýǵa asyqpańyzdar. Depozıtterdi bankterden teńgemen sheshseńizder, halyq kiristiligin joǵaltady. Bankter depozıtter boıynsha 10% tıimdi mólsherlemeler usynady. Aqshany bankte saqtaý kerek. Kez kelgen otbasy úshin eń qaýipsizi sol», - dedi Q.Kelimbetov OKQ brıfınginde.
Ulttyq bank basshysy ortasha merzimdik perspektıvada valıýta aıyrbastaý baǵamynyń jańa deńgeıi 2-3 teńge dıapazon aýytqýmen bir dollarǵa 185 teńge deńgeıinde qalatynyn aıtyp, sendirdi.
Sonymen qatar, ol taıaý arada valıýta aıyrbastaý pýnktterindegi, dúkenderdegi, munaı ónimderi naryqtarynda jaǵdaı turaqtalady, sonda «Ulttyq bank pen Úkimettiń ekonomıkalyq saıasatynda durys qadam bolǵany» túsinikti bolatynyn atap ótti.
Onyń baǵalaýynsha qalyptasqan jaǵdaıda dollar baǵamyn arttyrý týraly sheshim qabyldaǵanǵa deıin kútilgen qarqynmen óspeıdi, eksporttyq áleýet artady, tólem balansy ońalady, elimizdiń ekonomıkalyq ósimi 6%-dan asady.
Ulttyq valıýtany álsiretý nátıjesinde Q.Kelimbetov atap ótkendeı «kóptegen jumys oryndary qurylady, sondaı-aq salyq túsimderiniń artýy kútilýde, sonyń arqasynda Úkimet jáne Parlament áleýmettik baǵdarlamalar júrgizýge kóbirek múmkindikke ıe bolady».
