Q.Kelimbetov: Almaty Azııadaǵy iri qarjy ortalyqtarynyń ondyǵyna kirýi kerek
ASTANA. QazAqparat - Almaty qalasy jahandyq qarjy ortalyǵynyń kórsetkishinde 58-shi orynda tur. Búgin Ortalyq kommýnıkatsııalar qyzmetinde ótken brıfıng barysynda QR Ulttyq Bankiniń tóraǵasy Qaırat Kelimbetov osylaı málim etti.
«Qarjy ortalyqtarynyń básekege qabilettiligi jónindegi jahandyq ındeks bar. Olardyń álemdegi sany - 83. Almaty qalasy osy ındekste 58-shi orynda turyp, Máskeý, Varshava, Manıla sekildi qarjy ortalyqtarynan basyp ozdy. Osynyń ózi kórsetkishtiń jaǵymdy ekenin ańǵartady, alaıda biz áli de aýqymdy jumystardy atqarýymyz kerek», - dedi UB tóraǵasy.
Onyń aıtýynsha, aldaǵy mindet boıynsha Almaty Azııadaǵy iri qarjy ortalyqtarynyń ondyǵyna kirýi kerek.
«Árıne, biz Azııadaǵy ındekstik kórsetkish boıynsha 13-shi orynda turmyz. Sol turǵydan alǵanda, mindetti tolyq oryndaýǵa múmkindik barshylyq», - dedi Q.Kelimbetov.
