Q. Qasymov kóshedegi qylmys statıstıkasynyń ósý sebebin túsindirdi
ASTANA. QazAqparat - Kóshedegi qylmys statıstıkasynyń ósýi qylmysty tirkeýdegi ózgeristermen qatar polıtsııa jumysynyń sapalyq jaǵynan jaqsarǵanyn kórsetedi. Bul týraly búgin Májilistegi jergilikti polıtsııa qyzmeti taqyrybyna arnalǵan Úkimet saǵatynda Іshki ister mınıstri Qalmuhanbet Qasymov málim etti.
«Ótken jyly kóshede jasalatyn qylmystar sany - 7 paıyzǵa, qoǵamdyq oryndardaǵy qylmystar 7 paıyzǵa artqan. Bıylǵy jyly da osyndaı úderister baıqalady. Alaıda, obektıvtilik úshin aıta keteıik. Bul statıstıkalyq kórsetkishterdiń ósýi bizdiń kóshelerimiz ben qoǵamdyq oryndarymyzda qylmys órship tur degendi bildirmeıdi. Bunda qylmystardyń tirkelýine memlekettik qadamnyń ózgeristeri, polıtsııa qyzmetiniń sapalyq jaǵynan jaqsarýy men quqyq buzýshylyqty ashýdy qaǵıdatty baǵalaý sebep bolyp otyr», - dep túsindirdi ІІM basshysy.
Onyń aıtýyna qaraǵanda, sońǵy kezderi jol patrýl polıtsııasy qyzmetiniń nátıjeliligi artyp, olardyń kómegimen 14,5 myńnan astam qylmys ashylǵan.
«Jalpy alǵanda qabyldanyp jatqan sharalar kóshe qylmysynyń ósimin toqtatýǵa, usaq qylmystardy anyqtap, aldyn alýǵa oń serpin bermek. Bunyń ózi qoǵamda buzýshylyqtarǵa «nóldik tózimsizdik» prıntspterin qalyptastyrýǵa járdemdesedi», - dedi vedomstvo basshysy.
