Q.Qasymov Almatydaǵy terakt boıynsha resmı aqparattyń nelikten kesh jarııalanǵanyn aıtty
«Biz alǵashqy atys týraly aqparatty Almaly AІІB-nan aldyq, keıin Nıkolsk bazarynyń mańyndaǵy atystan habardar boldyq, sosyn UQKD janyndaǵy dúrbeleń, Abaı kóshesindegi metro mańyndaǵy atys, sonan soń Abylaı han kóshesindegi atys jóninde málimetter ala bastadyq. Árıne onyń bul jerlerge qalaı jetkenin biz bilmedik, sebebi ekinshi kóliktiń júrgizýshisin kesh anyqtadyq. Biz ekinshi sodyr avtomatpen birge qashyp ketti dep oıladyq. Sońyra biz ol avtomatty sodyr tastap ketken jerden taýyp aldyq. Sondyqtan málimetterdi uzaq tekserdik», - dedi mınıstr búgin Úkimet otyrysynan keıin tilshilerge bergen suhbatynda.
Eske sala keteıik, 18 shilde kúni 12:20 mınýtta Almatyda lańkestik qaýpiniń «qyzyl» deńgeıi engizilgen bolatyn. Oǵan Almatyda AІІB men UQKD bólimshelerine jasalǵan shabýyldar men kóshedegi polıtsııa qyzmetkerlerimen bolǵan atys sebep boldy. Sodyrdyń áreketinen 4 polıtseı men 2 beıbit turǵyn qaza tapty. Qazirgi ýaqytta qylmyskerdiń aty-jóni belgili. Ol 1990 jyly týǵan Rýslan Kúlikbaev bolyp shyqty.
Aıta ketelik, qandy oqıǵa QR Qylmystyq Kodeksiniń «Lańkestik», «Bılik ókiline qarsylyq kórsetý» jáne «Memlekettik nysandarǵa shabýyl jasaý» baptary boıynsha qaralýda.
