Q.I.Satpaev atyndaǵy QazUTÝ-da 180 magıstrant magıstr akademııalyq dárejesine ıe boldy
ATY. 1 sáýir. QazAqparat /Áıgerim Ámir/ - Búgin Almatyda Q.I.Satpaev atyndaǵy QazUTÝ-da 40 mamandyq boıynsha tehnıka jáne tehnologııalar salasynda 180 magıstrantqa magıstr akademııalyq dárejesi berildi.
Sondaı-aq, 50 túlek óte jaqsy dıssertatsııalyq jumystary úshin erekshelendi.
«Ózderińizge belgili Q.I.Satpaev atyndaǵy Qazaq Ulttyq tehnıkalyq ýnıversıteti álemniń túrli elderindegi mamandar men stýdentterdi biriktiretin halyqaralyq deńgeıde tynbaı bilim berý jáne ǵylymı zertteý ýnıversıteti. Elbasy «Aldaǵy kúnde magıstranttar men PhD doktorlaryn daıarlaý júrgiziletin bolady» -dedi. Mine, osyǵan baılanysty bizdiń oqý ornymyz 2020 jyly halyqaralyq deńgeıdegi zertteýshi oqý oryndarynyń biri bolmaq. Sonymen qatar, aldyńǵy qatardaǵy jetekshi oqý oryndary dárejesinen kóriný de josparda
bar. Jospar boıynsha bolashaqta magıstratýra jáne PhD doktorantýrasy - 30 %, bakalavrıat stýdentteri - 70%, professorlyq oqytýshylar quramynda, professorlar - 35%, ǵylym kandıdattary, PhD doktorlary - 30% -dy quraýy tıis» - dep atap ótti Q.I.Satpaev atyndaǵy QazUTÝ-dyń rektory Jeksenbek Ádilov.
Atalmysh oqý ornynda magıstratýra men doktorantýraǵa erekshe kóńil bólinýde. Sońǵy 3 jyldyń ishinde magıstratýra bóliminde bilim alýshylardyń sany 9 esege, PhD doktorlary 7 esege ósken.
