K.Eshton men E.Snoýden Nobel syılyǵyna usynyldy
BRıÝSSELЬ. QazAqparat - Eýroparlament ókilderi Eýropalyq Odaqtyń Syrtqy ister jáne qaýipsizdik saıasaty jónindegi Joǵarǵy ókili Ketrın Eshton men Ortalyq barlaý basqarmasynyń burynǵy qyzmetkeri Edvard Snoýdendi Nobel syılyǵyna úmitker retinde usyndy.
Eýropadaǵy BAQ-tyń habarlaýynsha, mundaı usynysty «jasyldar» fraktsııasy men Eýropa sotsıalısteriniń partııasy bildirgen.
Nobel komıtetine arnaǵan hatynda Eýroparlamenttegi «jasyldar» fraktsııasynyń teń tóraǵalary Rebekka Harms pen Danıel Kon-Bendıt E.Snoýdenniń adam quqyǵyn qorǵaý salasyna, onyń ishinde jeke adamnyń ómirine qol suǵylmaýshylyq pen pikir bildirý erkindiginiń saqtalýyna qosqan úlesin erekshe atap ótti.
Sotsıalıster men demokrattar toptarynyń jetekshileri Hannes Svoboda Nobel syılyǵyn K.Eshtonmen qatar, Serbııanyń premer-mınıstri Ivıtsa Dachıch, ózin-ózi jarııalaǵan Kosovo respýblıkasynyń kóshbasshysy Hashım Tachı alýy tıis dep sanaıdy.
