K.Eshton: EO jáne AQSh Ýkraınaǵa karjylaı kómek kórsetý josparyn ázirleýde
ASTANA. QazAqparat - Eýropalyq odaq pen AQSh Ýkraınaǵa qysqamerzimdik qarjylaı kómek kórsetý josparyn jasaýda, dep habarlady Reuters EO syrtqy saıası vedomstvosynyń basshysy Ketrın Eshtonǵa silteme jasap.
Wall Street Journal bergen suhbatynda ol bul sharalardyń Ýkraınanyń ýaqytsha úkimeti shamamen kelesi jyly ótedi dep kútiletin prezıdent saılaýyna daıyndyǵyna, saıası jáne ekonomıkalyq reformalardy qabyldaý kezeńinen ótýine kómektesýge baǵyttalatynyn aıtty.
K.Eshtonnyń sózine qaraǵanda, AQSh pen EO-nyń Ýkraınaǵa kórsetetin qoldaýynyń kólemi ázirge anyqtala qoıǵan joq, alaıda qarjy aýqymdy bolmaq. Buǵan qosa olar ınvestıtsııa men valıýtany nyǵaıtý baǵytynda da qol ushyn bermek.
