Q. Esekeev «Alteldiń» shekteýsiz ınternet tarıfiniń qaıtarylýyn joqqa shyǵarmady
ASTANA. QazAqparat - «Altel» lımıtsiz ınternetke oralýy múmkin. Bul týraly búgin Astanada «Qazaqtelekom» AQ Basqarma tóraǵasy Qýanyshbek Esekeev málim etti.
«Qazaqtelekom: ınnovatsııalar strategııasy» forýmy barysynda tilshiler kompanııa basshysyna «Altel» lımıtsiz ıternetti qaıtara ma?» degen saýal qoıdy.
«Bizde trafıkke qatysty jaǵdaı bir saryndy emes. Degenmen de syrtqy trafıkti óte kóp paıdalanamyz. Syrtqy trafık úshin sáıkesinshe bizdiń kompanııa tólem jasaıdy jáne de kez kelgen baǵamdyq ózgerister bizge osyǵan áreket etýge májbúrleıdi», - dep toqtaldy Q. Esekeev.
Basqarma tóraǵasy lımıtsiz ınternet boıynsha «Qazaqtelekomnyń» úıge tartylǵan jelisin paıdalanýǵa keńes berdi. Kompanııa basshysynyń paıymynsha, onyń baǵasy básekege qabiletti.
«Mobıldik jeli úshin ınternet boıynsha tarıfterge toqtalatyn bolsaq, bul - básekelestik qyzmet. Sondyqtan da eger de qazirgi kezde lımıtsiz ınternetten bas tartý óziniń tıimsizdigin kórsetse, onda sáıkesinshe lımıtsiz jelige oralýǵa týra keledi»,-dedi Q. Esekeev.
