K.Baıseıitova atyndaǵy opera jáne balet teatry XIII maýsymyn «Birjan-Sara» operasymen ashpaq
ASTANA. 30 qyrkúıek. 4 qazan kúni Kúlásh Baıseıitova atyndaǵy Ulttyq opera jáne balet teatry óziniń jańa maýsymyn qazaq opera óneriniń úzdik týyndylarynyń biri Muqan Tólebaevtyń «Birjan-Sara» operasynyń qoıylymymen ashylady, dep habarlady QR Mádenıet jáne aqparat mınıstrliginiń baspasóz qyzmetinen.
Atalǵan operanyń qoıylymy Halyq Qaharmany, KSRO jáne Qazaqstannyń halyq artısi, KSRO jáne Qazaqstan Memlekettik syılyǵynyń laýreaty, professor, asa kórnekti rejısser Ázirbaıjan Mámbetovtiń 80 jyldyǵyna arnalady.
Basty partııalardy K. Baıseıitova atyndaǵy Ulttyq opera jáne balet teatrynyń solısteri: Qazaqstannyń eńbek sińirgen qaıratkerleri Aıgúl Nııazova, Janat Shybyqbaev, Súndet Baıǵojın, sonymen qatar, Beıimbet Tańaryqov, Ómirjan Qadyrov oryndaıdy, qoıylymǵa teatrdyń balettik trýppasy, hory jáne sımfonııalyq orkestri qatysady.
Dırıjery - Qazaqstannyń eńbek sińirgen qaıratkeri Abzal Muhıtdınov.
