Q.Bakıevtiń Qyrǵyzstan prezıdenti qyzmetinen otstavkaǵa ketýi týraly málimdemesi
ASTANA. Sáýirdiń 16-sy. QazAqparat - QazAqparat Qyrǵyz Respýblıkasynyń eks-prezıdenti Qurmanbek Bakıevtiń óz qolymen jazǵan málimdemesiniń mátinin jarııalaıdy.
***
Qyrǵyz Respýblıkasynyń Prezıdenti Qurmanbek Sálıuly Bakıevtiń Málimdemesi
Qurmetti otandastar!
2010 jylǵy sáýirdiń 7-sinde Qyrǵyz Respýblıkasynda memlekettik tóńkeris boldy. Qarýly basyp alýdyń nátıjesinde qarapaıym esh jazyǵy joq adamdardyń qany tógildi, memleket múlkine jáne azamattardyń jeke múlkine orasan zor materıaldyq zalal keltirildi, memlekettiń bedeline orasan zor nuqsan keldi. Barlyq jaýapkershiliik ókimet bıligin basyp alý úshin olardy paıdalanǵan Ýaqytsha úkimet músheleriniń moınyna júkteledi. Bolǵan oqıǵalarǵa ózimniń de jaýapty ekenimdi sezine otyryp, qaza bolǵandardyń barlyq týystary men jaqyndaryna qatty qaıǵyryp kóńil aıtamyn.
Qyrǵyz halqy úshin osynaý qaıǵyly kúnderde qyrǵyz halqynyń bolashaǵy, memlekettiń tutastyǵyn, qyrǵyz memlekettiligin saqtaý úshin barlyq jaýapkershilikti sezine otyryp, Qyrǵyz Respýblıkasy Konstıtýtsııasynyń 50-babyna sáıkes men otstavka ketetinimdi málimdeımin.
Qoly/Bakıev 16.04.10.
