Q. Bákıevti elden shyǵarý Qyrǵyzstandaǵy turaqtylyqty qalyptastyrýǵa septigin tıgizdi - H. Zalber
ASTANA. 29 qarasha. QazAqparat /Qanat Mámetqazyuly/ - Qyrǵyz oqıǵasy barysynda sol kezdegi prezıdent Qurmanbek Bákıevti elden shyǵarý turaqtylyqty qalyptastyrýǵa septigin tıgizdi.
Búgin EQYU Sammıti qarsańynda jýrnalısterge arnap baspasóz máslıhatyn ótkizgen EQYU-nyń Janjaldardyń aldyn alý jónindegi ortalyǵynyń dırektory Herbert Zalber osyndaı pikir bildirdi.
«Tarıh aldynda bundaı qadamnyń durys álde burystyǵy týraly aıtýǵa erterek. Alaıda men dál sol kezdegi, ıaǵnı aǵymdaǵy jylǵy sáýir aıynda bundaı qadamnyń durys bolǵanyn aıta alamyn. Óıtkeni, sol kezeńdegi halyqaralyq qoǵamdastyqtyń aldynda turǵan birinshi mindet - Qyrǵyzstanda turaqtylyq jaǵdaıyn qalyptastyrý bolyp tabylǵan edi. Meniń oıymsha, qyrǵyzdyń sol kezdegi prezıdenti Qurmanbek Bakıevti elden shyǵarý ol eldegi turaqtylyqty qurýǵa septigin tıgizdi», - dedi Ortalyq dırektory.
