Q. Ábsattarov QR Eńbek jáne halyqty áleýmettik qorǵaý vıtse-mınıstri bolyp taǵaıyndaldy
Bul týraly atalǵan vedomstvonyń resmı saıtynda habarlandy.
Ábsattarov Qaırat Bektaıuly - 1966 jyly týylǵan.
Bilimi: Qaraǵandy polıtehnıkalyq ınstıtýty , «Avtomobılder jáne avtomobıldik sharýashylyq». Jezqazǵan ýnıversıteti, «Ekonomıka jáne óndiristi basqarý» mamandyǵy. Máskeý bıznes-mektebinde «Іsker ákimshiliktendirý magıstri» baǵdarlamasy boıynsha bilim alýda.
Avtokólik salasyndaǵy óndiristik kásiporyndarynda, Jezqazǵan oblysy ákiminiń apparatynda jumys istegen.
1998 - 2003 jyldary Qazaqstan Respýblıkasy Strategııalyq josparlaý jáne reformalaý agenttiginde, QR Prezıdent Ákimshiliginde túrli laýazymdardy atqardy.
2003 -2006 jyldary QR Aqparattandyrý jáne baılanys agenttiginde basshylyq qyzmetterde jumys istedi.
2006 jylǵy qarashada «Qazaqtelekom» AQ Bas ákimshilik dırektory qyzmetin atqardy.
2010 -2012 jyldary Qazaqstan Respýblıkasy Baılanys jáne aqparat mınıstrliginiń jaýapty hatshysy qyzmetin atqardy.
2012 jylǵy 1 aqpannan 2013 jylǵy 20 naýryzǵa deıin Qazaqstan Respýblıkasy Kólik jáne kommýnıkatsııa vıtse-mınıstri laýazymynda qyzmet etti.
2013 jylǵy 20 naýryzda Qazaqstan Respýblıkasy Kólik jáne kommýnıkatsııa mınıstrligi Kóliktik baqylaý komıtetiniń tóraǵasy laýazymyna taǵaıyndaldy.
«Qazaqstan Konstıtýtsııasyna 10 jyl», «Qazaqstan táýelsizdigine 10 jyl», «Qazaqstan táýelsizdigine 20 jyl» mereıtoılyq medaldarymen marapattalǵan.