Jusan Bank-tiń keıbir aktsııalaryna tyıym salyndy

ALMATY. QazAqparat- First Heartland Securities kompanııasyna tıesili Jusan Bank aktsııalaryna tyıym saldy. Bul týraly aqparat KASE saıtynda jarııalandy, dep habarlaıdy QazAqparat tilshisi.

Aqparatqa sáıkes, tyıym Jusan Bank aktsııalarynyń 78,23 paıyzyna ıelik etetin First Heartland Securitiestiń 131,3 mln dana qarapaıym jáne artyqshylyqqa ıe aktsııalarǵa salyndy. Sheshimdi Almatynyń aýdandyq soty 15 aqpanda shyǵarǵan, biraq ol tek 21 aqpanda jarııalanyp otyr.

Keıbir mamandar, bank aktsııalarynyń satylýy Jusan Bank- tyń turaqtylyǵyna áser etpeıtinin atap ótedi. Banktiń aktsııalary banktiń ózine emes, basqa kompanııalar men jeke ınvestorlarǵa tıesili. Kez kelgen jaǵdaıda bank aktsııalary klıentter aldyndaǵy barlyq mindettemelerdi oryndaý úshin kapıtaldyń jetkiliktiligine de, ótimdiligine de áser etpeıdi-mis.

Eske salsaq, jaqynda Bas prokýratýra Jusan tobyn Qazaqstanǵa qaıtarý jumysy júrgizilip jatqanyn habarlady.

2022 jylǵy maýsymda Prezıdent Qasym-Jomart Toqaevtyń tapsyrmasy boıynsha elden zańsyz shyǵarylǵan qarajatty Qazaqstanǵa qaıtarý jónindegi vedomstvoaralyq komıssııa qurylǵan sátten bastap Bas prokýratýra kapıtaldy jymqyrý jáne shet elge shyǵarý faktilerin anyqtaý úshin bank sektorynda taldaý júrgizdi.

Sonymen qatar Nazarbaev zııatkerlik mektepteri Jusan-dy elge qaıtarýǵa qatysty málimdeme jasady.