Jusan Bank reıtıngi boljamdy «Turaqtydan» «Ońǵa» kóterildi

ALMATY. QazAqparat - Moody's Investors Service halyqaralyq reıtıngtik agenttigi Jusan Bank-tiń ulttyq jáne shetel valıýtasyndaǵy depozıtteri boıynsha uzaq merzimdi reıtıngin B1 deńgeıinde rastap, «Turaqty» boljamyn «Ońǵa» kóterdi. Tıisti sheshim 2022 jyldyń 14 jeltoqsanynda shyǵaryldy, dep habarlaıdy QazAqparat.

Sondaı-aq Moody's Banktiń bazalyq jáne túzetilgen bazalyq kredıtke qabilettilik baǵasyn (BCA) b3 deńgeıinde maquldady. Ulttyq jáne shetel valıýtasyndaǵy depozıtterdiń qysqa merzimdi reıtıngi NP deńgeıinde. Uzaq merzimdi jáne qysqa merzimdi kontragenttik táýekel reıtıngi (CRR) ulttyq jáne sheteldik valıýtada Ba3/NP deńgeıinde. Uzaq merzimdi jáne qysqa merzimdi kontragent táýekelin baǵalaý Ba3(cr)/NP(cr) deńgeıinde. Jalpy boljam da turaqtydan ońǵa deıin kóterildi.

Bul rette Moody's ulttyq shkaladaǵy uzaq merzimdi depozıtter reıtıngin Ba1.kz deńgeıinde jáne uzaq merzimdi CRR-di Baa2.kz deńgeıinde rastady.

Moody's sarapshylary sheshimderi Banktiń bıznes modeliniń odan ári damytýǵa degen senimine negizdelgenin alǵa tartty. Bul model kiristiń odan ári ósýine jáne aktıvter sapasy men tólem qabilettiliginiń jaqsarýyna ákeledi. Sondaı-aq bank basshylyǵynyń táýekelderdi azaıtý jáne agressıvti satyp alý josparlarynyń bolmaýy týraly sheshimi nátıjesinde korporatıvtik táýekelderdi basqarýdaǵy oń ózgeristerine mán berildi.

Agenttik sonymen qatar 2022 jyldyń úshinshi toqsanynyń qorytyndysy boıynsha banktiń jalpy aktıvteriniń 60%-dan astamyna jetken banktiń ótimdi aktıvterin de esepke aldy.

Munymen qosa Retteýshi belgilegen eń tómengi talaptardan aıtarlyqtaı asyp túsetin jáne turaqtylyqtyń úlken marjasyn kórsetetin Jusan Bank-tiń prýdentsıaldyq standarttaryn atap ótken jón: 2022 jyldyń qarasha aıynyń basynda Jusan Bank-te menshikti kapıtaldyń jetkiliktilik koeffıtsıenti (k1) 30%-ǵa jetip, belgilengen normatıvten 4 esege ósse, al aǵymdaǵy ótimdilik koeffıtsıenti (k4) belgilengen normatıvten 7 esege artyp, 224%-ǵa jetti.