Jusan bank Qazaqtelekomdaǵy úlesin 42 mlrd teńgege satty

ASTANA. KAZINFORM — Jusan bank 2024 jyly jeltoqsanda «Qazaqtelekom» AQ-taǵy 9 paıyz úlesin satqan kezdegi mámile somasy belgili boldy.

— 2024 jyldyń jeltoqsanynda bank «Qazaqtelekom» AQ-tyń 983 myń dana aktsııasyn, bir qarapaıym aktsııany 43.498 teńgeden 2025 jyldyń 24 naýryzyna deıin bólip tóleý shartymen satty, — delingen banktiń 2024 jylǵa arnalǵan qarjy esebinde.

Mámile jasalǵan sáttegi aktsııanyń balanstyq quny men satylǵan kezdegi ádil quny arasyndaǵy aıyrmashylyq 1,5 mlrd teńgeni quraıdy.

2024 jyldyń 31 jetoqsanyndaǵy málimetke sáıkes, borysh somasy 31 mlrd teńge boldy.
Jusan Bank 2024 jyldyń jeltoqsanynda «Qazaqtelekomdaǵy» úlesin Telecom Systems Ltd kompanııasyna satyp jibergen edi.

Aıta keteıik, ótken jyldyń sáýirinde Jusan bank «Samuryq-Qazynadan» óz oblıgatsııalaryn satyp alyp, memleket kómeginiń 100 mıllıard teńgesin merziminen buryn qaıtarǵan bolatyn.