Jusan Bank IT-mamandarǵa jańa múmkindikter usynady
IT-mamandarǵa suranys artýda
Qazirgi ýaqytta Jusan banki men toptyń basqa kompanııalarynda IT mamandarǵa qajettilik joǵary. Óıtkeni bankter kún ótken saıyn tsıfrlanýda, al qarjylyq tehnologııa endi jańalyq emes, bul – qajettilik. Birtutas ekojúıe sapaly qyzmet kórsetý men kúndelikti jańartýdy talap etedi, sebebi tehnologııalar salasy óte qubylmaly. Bul rette kompanııanyń myqty IT komandasyn odan ári bilikti mamandarmen tolyqtyrý qajettiligi týyndaǵan. Sondyqtan Jusan Singularity IT mektebin qurý bastamasy kóterilgen.
«Jusan Bank strategııasynyń aıasynda tehnologııalyq protsesterdi odan ári jetildirý jáne Jusan keshendi ekojúıesin damytý josparlanýda. Biz óz klıentterimizge jyldam, yńǵaıly jáne jan-jaqty joǵary sapaly qyzmet kórsetýge umtylamyz, sondaı-aq banktiń barlyq ónimderiniń, qosymshalary men protsesteriniń tutynýshylar úshin ońaı ári ınnovatsııalyq bolýyna asa kóńil bólemiz. Ol úshin bizge saýatty jáne komandada birlesip jumys jasaı biletin IT qyzmetkerler qajet. Sondyqtan biz IT bilim berý baǵytyndaǵy jobany júzege asyrdyq», - dedi Jusan Bank basqarma tóraǵasynyń orynbasary Ǵabıt Nurkenov tilshilerge bergen suhbatynda.
IT mektep: barlyǵynda múmkindik bar
Mektepti qurý týraly jańalyq osy jyldyń qańtarynda jarııalandy. Almaty jáne Nur-Sultan qalalarynda oqımyn degen 15-47 jas aralyǵyndaǵy úmitkerlerden ótinim qabyldanǵan. Oqýdan keıin túlekterdiń jumyspen qamtylatyny kópshiliktiń qyzyǵýshylyǵy men suranysyn týdyrdy. Nátıjesinde JOO sońǵy kýrs stýdentteri, jas IT mamandar jáne baǵdarlamalaý salasyna qyzyǵýshylyq tanytyp, óz mamandyǵyn ózgertýge umtylǵan úmitkerler arasynan eń myqtylary birneshe kezeńnen turatyn qatań irikteýden ótip, oqýǵa qabyldandy.
Úsh aptalyq ıntensıv pen suhbattasýdan iriktelip shyqqan stýdentter tórt aı boıy banktiń IT qajettilikteri aıasynda bilimderin shyńdady. Onda Qazaqstannyń ІT salasynyń kóshbasshylary, tabysty tájirıbeli IT ázirleýshileri men menedjerleri stýdenttermen óz bilimin bólisti.
Stýdentterge oqý barysynda 100 myń teńge stıpendııa tólenip, 24/7 kovorkıng aýmaq berilgen. Olar JAVA, iOS, Android, Frontend ázirleýshileri, DevOps ınjenerleri syndy tanymal baǵytta jumys isteýdi úırengen.
«Men bıyl Nazarbaev ýnıversıtetin «Kompıýter ǵylymy» mamandyǵy boıynsha aıaqtadym. Qańtar aıynda Jusan Singularity habarlamasyn kórip ótinim berdim. Іrikteý kezeńderinen ótken soń, sáýir aıynda Java backend tobyna qabyldandym. Óz mamandyǵym bolǵandyqtan, oqý asa qıyn bolmady. Munda ónim ázirleý jaǵynan jaqsy damydyq. Biz oqyǵan Java backend – kez kelgen ázirlemeniń logıkasy retinde sanalady. Siz biletin veb-paraqshalardyń artyndaǵy tolaǵaı jumysty biz atqaramyz. Osylaısha men Veb-ázirleýshi atandym jáne Almaty qalasyndaǵy Jusan Bank-ke jumysqa qabyldandym. Bankte ónim ázirleý qabiletimdi ári qaraı damyta beremin», - deıdi joba túlegi, banktiń jańa qyzmetkeri Mahambet Tórejan.
«Oqytý kezinde bizdiń stýdentter hakatondarǵa qatysyp, Jusan tobynyń naqty qoldanbaly tapsyrmalaryn oryndap kórdi. Bul baǵdarlamanyń biregeıligi – tek trenıngter nemese tehnıkalyq materıaldar ǵana emes, tájirıbe júzinde qoldanýǵa da múmkindik berdi. ıAǵnı olar keıin praktıkada qoldanylatyn naqty tapsyrmalar alyp, komandada jumys jasap, kásibı biliktilikterin arttyrdy», - dedi Jusan Singularity jobasynyń jetekshisi Anar Sadyqova.
Onyń aıtýynsha, bul joba – IT salasynyń damýyna jáne bilikti kadrlarǵa suranystyń artýyna baılanysty týyndaǵan máseleni sheshýge qosqan áleýmettik úlestiń jarqyn mysaly.
