Jusan bank ataýyn ózgertti

ASTANA. KAZINFORM — Qazaqstandyq Jusan bank-tiń ataýy resmı túrde «Alatau City Bank» AQ bolyp ózgerdi.

— 2025 jylǵy 16 maýsymda «First Heartland Jusan Bank» AQ ataýynyń «Alatau City Bank» AQ bolyp aýysýynyń zańdy rásiminiń aıaqtalǵanyn habarlaımyz. «Azamattarǵa arnalǵan úkimet» MK» KEAQ 2025 jylǵy 16 maýsymda ataýynyń ózgerýine baılanysty bankti memlekettik qaıta tirkeýden ótkizdi. Bank ataýyn aýystyrý boıynsha is-sharalar jalǵasyp jatyr. Ony iske asyrý úshin birshama ýaqyt qajet bolýyna baılanysty, jeke servıste, aqparattyq júıede, kommýnıkatsııada, qarjylyq jáne basqa qujatta banktiń jańa ataýy da, burynǵy ataýy da paıdalanylýy múmkin, — dep túsindirilgen habarlamada. 

Sondaı-aq atalǵan bank memlekettiń, klıentter men seriktester aldyndaǵy barlyq mindetin oryndaýǵa rebrendıngtiń esh áser etpeıtinin habarlaıdy.

Aıta ketsek, bıyl mamyrda Jusan bank Qazaqtelekomdaǵy úlesin 42 mlrd teńgege satty. 

Eske salaıyq, ótken jyly sáýirde Jusan bank «Samuryq-Qazynadan» óz oblıgatsııalaryn satyp alyp, memleket kómeginiń 100 mıllıard teńgesin merziminen buryn qaıtarǵan bolatyn.