Junior Eurovision-2019 baıqaýy bastaldy
GLIVITsE. QazAqparat - Polshanyń Glıvıtse qalasynda Junior Eurovision-2019 baıqaýy ótip jatyr, dep habarlaıdy QazAqparat.
Halyqaralyq án baıqaýyn Habar arnasy tikeleı efırden kórsetip jatyr.
19 eldiń jas ánshisi baq synaıtyn halyqaralyq án baıqaýyna elimizdiń atynan Erjan Maksım qatysady. Án dodasynda Erjan Maksım 10-bolyp shyǵady. Talap boıynsha olar esh jerde jarııalanbaǵan 3 mınýtqa deıingi kompozıtsııany tabıǵı daýysta oryndaýy kerek.
Buǵan deıin habarlaǵanymyzdaı, 19 el úmitkerleri úshin daýys berý qarashanyń 22-sinen 23-ine qaraǵan túni saǵat 01.00-de bastaldy. Onlaın-daýys berý búgin, saǵat 21.00-de ýaqytsha jabylady. Odan soń 15 mınýtqa qaıta ashylyp, taǵy bir márte daýys berý múmkindigi beriledi.