«Joqtau» fılmi álemdegi bedeldi Locarno Film Festival kınofestıvaliniń konkýrstyq baǵdarlamasyna endi
ASTANA. KAZINFORM – «Joqtau» fılmi álemdegi bedeldi kınofestıvalderdiń biri Locarno Film Festival baıqaý baǵdarlamasyna endi.
Mádenıet jáne aqparat mınıstrliginiń baspasóz qyzmetiniń málimetinshe, qazaqstandyq rejısser Arýan Anartaıdyń «Joqtau» debıýttik fılmi Locarno Film Festival Halyqaralyq kınofestıvaliniń konkýrstyq baǵdarlamasyna enip otyr.
Shveıtsarııa kınofestıvali – eń bedeldi festıvalderdiń biri jáne álemdik kınoındýstrııadaǵy yqpaly zor bestiktiń qatarynda. Lokarnodaǵy 77-shi kınofestıval 2024 jyldyń 7-17 tamyzy aralyǵynda ótedi. Baıqaýǵa túsken ár fılm bes retke deıin festıvaldiń 10 alańynda kórsetiledi. Roýd-mývı janryndaǵy fılmde qazaq dalasy men onyń túkpirine saparǵa shyqqandar týraly baıandalady. Keıipkerler túrli oqıǵalardy bastan keshirip, olardyń ustanymdary men senimi synalady.
Fılmdegi basty rólderdi Qazaqstannyń eńbek sińirgen qaıratkeri Isbek Ábilmájinov, kórermenge «Qash», «Patrıottar ýaqyty», «Saqtaýshy» kartınalary arqyly tanylǵan, atyshýly «Dástúr» fılminde oınaǵan Ermek Shynbolatov. Sondaı-aq «Joqtau» fılmi mansabyndaǵy alǵashqy joba bolǵan aktrısa Irına Balkova somdaıdy. .
«Joqtau» fılmi úshin kompozıtor Sanjar Báıterekov qazaqtyń ulttyq aspaby qobyzben ınstrýmentaldy mýzyka jazdy. Fılm Qazaqstan Mádenıet jáne aqparat mınıstrliginiń qoldaýymen túsirilgen.
