Johnson & Johnson ruqsat etilmegen taýarlardy satqany úshin eskertý aldy
ASTANA. Tamyzdyń 25-i. QazAqparat - Johnson & Johnson Kompanııasy (J&J) FDA saýdalaýǵa ruqsat bermeıtin eki taýar túrin satqany úshin AQSh-ta ónimder men dári-dármekterdi baqylaý jónindegi Basqarmadan eskertý aldy, bul amerıkalyq zańdylyq boıynsha óreskel quqyq buzýshylyq bolyp sanalady jáne aıyppul tóleýge májbúrleýi múmkin, dep jazady Vestı.Rý.
Basqarmanyń resmı hatynda, J&J qaraıtyn DePuy Orthopaedics Inc. kompanııasy óziniń saıtynda jáne katalogynda bekitilmegen Corail Hip System atalatyn dárigerlik quraldy, sondaı-aq dárigerge emdelýshiniń tizesinen 3-D sýretin alýǵa múmkindik beretin TruMatch Personalized Solution System appartyn usynady, dep jazylǵan.
Jaqynda J&J kompanııasy Japonııa jáne Azııanyń basqa da birqatar elderine satqan bir kúndik kóz lınzalarynyń úlken partııasyn keri qaıtaryp alatynyn jarııalady. Lınzany qaıtaryp alýǵa, ony paıdalanýshylar atynan shaǵymdardyń tolassyz túsip jatqandyǵy sebep bolyp otyr.
1886 jyly negizi qalanǵan J&J kompanııasy, tutyný taýarlaryn, farmatsevtıkalyq ónimder, medıtsınalyq jáne dıagnostıkalyq qondyrǵylar shyǵarady. Shtattyq qurylymy 110 myń adamdy quraıtyn kompanııa álemniń 57 elinde jumys isteıdi.
