Johnson & Johnson ónimderi qaterli isikke shaldyqtyrǵan - AQSh-taǵy sot
ASTANA. QazAqparat - AQSh-ta Mıssýrı shtatynyń soty Johnson & Johnson kompanııasynan 22 áıeldiń paıdasyna 4,69 mlrd dollar ótemaqy óndirý týraly sheshim shyǵardy.
Olar birneshe jyl boıy balalar seppesin qoldanyp, onyń saldarynan analyq bezi qaterli isigine shaldyqqandaryn aıtqan, dep habarlaıdy Reuters.
Kompanııanyń tóleýge mindetti somasy - AQSh tarıhynda sapasyz ónim isi boıynsha óndirilgen qarjynyń rekordtyq kórsetkishteriniń biri.
Shaǵym túsirgen áıelderdiń barlyǵy J&J kompanııasyn balalar untaǵyna tyıym salynǵan asbest qosty dep aıyptaýda.
Alqabıler soty bul isti bes apta boıy qarap, eki taraptyń ondaǵan sarapshysyn tyńdaǵan.
J&J óz kezeginde kompanııa ónimderiniń zııan keltiretinin joqqa shyǵardy.
"Johnson & Johnson úkimmen kelispeıdi, bul sheshimge shaǵym túsirýge nıetti», - delingen kompanııanyń málimdemesinde.
J&J aktsııasy úkim shyqqannan keıin 1%-ǵa qulaǵan.
