Johnson & Johnson qaterli isikke qatysty shaǵymdardy óteý úshin 6,5 mlrd dollar tóleıdi

ASTANA. KAZINFORM – Amerıkalyq Johnson & Johnson kompanııasy quramynda aldyn ala shamalaý boıynsha analyq bez obyryn týdyratyn asbest balalar untaǵy men basqa da talk ónimderine qatysty sot isin retteý úshin 6,475 mlrd dollar tóleıtinin málimdedi, dep habarlaıdy CNN. 

Nıý-Djersıdegi federaldy sotta kompanııaǵa qarsy 54 myńǵa jýyq aryz qarastyrylyp otyr. Sotqa shaǵym túsirgen adamdar asbest áserinen qaterli isiktiń sırek kezdesetin túri – mezotelıoma damyǵanyn atap ótti. 

Kompanııanyń málimdeýinshe, onyń ónimderinde asbest joq jáne ónimderi qaterli isik týdyrmaıdy. Osy jyldyń naýryz aıynda kompanııa Nıý-Djersıdegi federaldy sotta talkty analyq bezdiń qaterli isigimen baılanystyratyn ǵylymı dálelderge qarsy shyǵý múmkindigin aldy. Іsti qadaǵalaıtyn sýdıa zańdaǵy sońǵy ózgerister men ǵylymı dálelder qaıta sholýdy qajet etetinin aıtyp, Johnson & Johnson kompanııasynan shilde aıynyń sońyna deıin ǵylymǵa qatysty jańa dálelder keltirýdi surady.

Kompanııa LTL Management enshiles kompanııasynyń (talk boıynsha jaýapty) bankrottyǵy týraly úshinshi ret ótinish berýdi josparlap otyr, ol istiń qaralýyn tolyǵymen aıaqtap, bolashaq sot protsesterin toqtatady. 

Alaıda, sot protsesi talapkerlerdiń paıdasyna birqatar iri úkimderge, sonyń ishinde Johnson & Johnson-dy analyq beziniń qaterli isigi úshin kinálaǵan 22 áıelge 2,12 mlrd dollar ótemaqy tóleýge ákeldi.

Kompanııa mezotelıoma boıynsha isti retteý qunyn jarııalamady, biraq 2024 jyldyń birinshi toqsanynda talkpen baılanysty isterin retteý úshin qosymsha 2,7 mlrd dollar tólegenin málimdedi.