Jibek joly world telearnasy dinder sezi sessııasyn aǵylshyn tilinde kórsetedi

NUR-SULTAN. QazAqparat – Qazaqstan jáne shetel kórermenderi Jibek joly world telearnasynyń efırinen qazir ótip jatqan VII Álemdik jáne dástúrli dinder kóshbasshylary sezin tolyq tamashalaı alady. Sessııalardyń translıatsııasy aǵylshyn tilinde júrgiziledi, dep habarlaıdy QazAqparat tilshisi.

Búgin saǵat 17:30-dan bastap Jibek joly world telearnasy Rım Papasy Frantsısktiń Qazaqstanǵa kelýin tikeleı efırden kórsetedi.

Sezd jumysy aıaqtalǵanǵa deıin telearna sessııalardy aǵylshyn tilinde taratady, sondaı-aq aǵylshyn tilinde eksklıýzıvti suhbattar usynady.

Aıta keteıik, telearna elimizde ǵana emes, Qazaqstannan tys jerlerde álemniń 120 elinde qazaq, aǵylshyn, orys, qyrǵyz jáne ózbek tilderinde kóp arnaly formatta taratylady. Buǵan deıin habarlanǵandaı, 14-15 qyrkúıekte Qazaqstan astanasynda Táýelsizdik saraıynda Prezıdent Qasym-Jomart Toqaevtyń qatysýymen VII Álemdik jáne dástúrli dinder kóshbasshylarynyń sezi ótedi. Aıta keteıik, Rım Papasy Frantsısk Álemdik jáne dástúrli dinder kóshbasshylary sezi aıasynda Qazaqstanǵa alǵash ret saparmen keledi. «2022 jylǵy 13-15 qyrkúıekte Rım Papasy Frantsısktiń Qazaqstanǵa memlekettik sapary bolady. Sapar aıasynda Papanyń Memleket Basshysy Qasym-Jomart Toqaevpen kezdesýi (13 qyrkúıek), Qazaqstan jurtshylyǵy men dıplomatııalyq korpýs aldynda sóz sóıleýi (13 qyrkúıek, «Qazaqstan» OKZ), messa (14 qyrkúıek, EKSPO) jáne VII Álemdik jáne dástúrli dinder kóshbasshylarynyń sezine (14-15 qyrkúıek) qatysýy josparlanǵan», - dedi Aıbek Smadııarov.