Jibek Joly týrıstik poıyzy Azııanyń mádenı murasyn dáripteýge attanady
ASTANA. KAZINFORM — 21-26 qyrkúıek kúnderi Jibek Joly 5.0 týrıstik poıyzy kezekti saparyna attanady. Besinshi ret uıymdastyrylyp otyrǵan týr Ortalyq Azııa óńiriniń mádenı-tarıhı ortalyqtaryn baılanystyrady. Bul týraly Týrızm jáne sport mınıstrligi málim etti.
Atap aıtqanda, baǵyt Almatydan bastalyp, Túrkistan, Otyrar, Samarqan, Buqara jáne Tashkent qalalaryn qamtıdy.
Joba Ortalyq Azııanyń mádenı murasyn dáripteý jáne óńirler arasyndaǵy týrıstik yntymaqtastyqty damytý maqsatynda QR Týrızm jáne sport mınıstrligi, «Qazaqstan temir joly» ulttyq kompanııasy, otandyq týroperatorlar men jergilikti atqarýshy organdardyń birlese atqarýymen júzege asyrylyp jatyr.
Aıta keteıik, joba KITF 2025 halyqaralyq kórmesinde «Eń úzdik týrıstik ónim» dep tanylǵan. Baǵdarlamaǵa jaıly temirjolmen sapar, mazmundy ekskýrsııalar, sheberlik sabaqtary, shyǵys dástúrimen tanysý, sondaı-aq ıÝNESKO-nyń Búkilálemdik mura nysandaryna barý kiredi.
Baǵdarlama jyl saıyn jetildirilip, týrısterdiń usynystary eskerilip, baǵyttar keńeıtiledi jáne jańa baǵyttar ázirlenedi. Jibek Joly jobasy Ortalyq Azııadaǵy mańyzdy mádenı baǵyt retinde damyp, óńiraralyq yntymaqtastyqty nyǵaıtýǵa jáne Uly Jibek joly murasyn nasıhattaýǵa úles qosyp keledi.
Týrıstik ónimdi qalyptastyrý jáne ony júzege asyrýdy otandyq týroperatorlar júrgizedi.
Eske sala keteıik, buǵan deıin Jibek Joly týrıstik poıyzyna Qytaı men Reseı saıahatshylary qyzyǵýshylyq tanytty.