Jibek joly týrıstik poıyzy alǵash ret Samarqandqa bardy
ALMATY. KAZINFORM — Almaty qalasynan ekinshi ret saparǵa shyqqan Jibek joly týrıstik poıyzy Samarqand qalasyna jetti.
Jibek joly týrıstik poıyzy alǵash ret Samarqandqa bardy. Bul týrıstik poıyzdyń ekinshi sapary. Alǵashqy jolynda Jibek joly poıyzy Tashkent qalasynan qaıtqan bolatyn. Osy joly qazaqstandyq saıahatshylar «Almaty — Túrkistan — Tashkent — Samarqand — Shymkent — Almaty» baǵyty boıynsha jol júrip keledi. Sondaı-aq Kazakh Tourism uıymdastyrýymen saıahatshylar qataryna BAQ ókilderi men otandyq blogerler qosyldy.
Qazaqstan men Ózbekstannyń kórikti jerlerine jol tartatyn poıyz alǵash ret 2024 jyldyń qarasha aıynda iske qosyldy. Týr 5 kúnge sozyldy.
Bul joba Memleket basshysynyń týrızmdi damytý jónindegi tapsyrmasyna sáıkes «Qazaqstan temir joly» Ulttyq kompanııasynyń uıymdastyrýymen júzege asyryldy. Jobany damytýǵa QR Kólik mınıstrligi, Týrızm jáne sport mınıstrligi, Almaty qalasy men Túrkistan oblysynyń ákimdikteri, sondaı-aq, «Ózbekstan temir joldary» kompanııasy seriktes retinde úles qosty.
Eske salaıyq, buǵan deıin Almatydan Jibek joly 2.0 týrıstik poıyzy jolǵa shyqqanyn jazǵanbyz.